شكبّة، لعبة الكارطة التونسية
نفس الشكبّة متاع القهوة، توة في جيبك. العب ضد الكمبيوتر، ولا أونلاين مع صحابك ومع لاعبين من تونس والعالم، 1 ضد 1 ولا 2 ضد 2.
مجانية بالكامل، بلا شراء.
علاش تلعب شكبّة عندنا؟
كل ما تحب في الشكبّة الحقيقية، مع ميزات تخلّي كل طرح متعة.
القواعد الحقيقية
40 كارطة، الكارطة والديناري والسبعة الحيّة والبرميلة والشكبّات، كيما تلعبها في القهوة.
أونلاين مع صحابك
اعمل غرفة وابعث الرمز لصحابك، ولا العب مع ناس جدد في ثواني.
1 ضد 1 و2 ضد 2
العب وحدك ولا مع شريك، والفريق اللي يلمّ أكثر يربح.
ضد الكمبيوتر
ثلاث مستويات: ساهل، متوسط وصعيب. تمرّن قبل ما تدخل الأونلاين.
شات وريأكشن
رسائل سريعة وريأكشن متحرّكة بالصوت باش تعلّق على كل شكبّة.
ترتيب أسبوعي
اربح المباريات وطلع في الترتيب، وكل أسبوع عندنا أبطال جدد.
تحديات يومية
ثلاث تحديات جديدة كل يوم في المباريات أونلاين، كمّلهم واربح هدايا.
ادعُ صاحبك واربح
صاحبك يدخل برمزك وتربحو الزوز كوان وريأكشن.
العب ضد شخصيات المسلسلات
روضة، سلومة، عبودة، الباجي ماتريكس، السبوعي... كل واحد عندو أسلوبو في الكارطة وصوتو وقت يتحدّاك. ابدا بالساهلين، واربح باش تحلّ الباقي.
روضة
تسرق الكارطة كيما تسرق الرجال
سلومة
مولا القهوة
عبودة
على نيتو.. الكارطة مع الغفّاص
حفّة
دراما ورد بالك يسرقكش
صاليح
محاسب يصحيح
سطيش
ماتعرفش عليه شبش يلعب
فوشيكة
خبيث.. عادي يبيعك على موجيرة
بلينتة البنّاي
يتفتف من الكارطة شوية
حمودة
ڨديم في الشكبة ويعيط برشة
كلثوم
سيدي داود قبل كل شي
سيد أحمد
لا شعر.. لا فلاحة.. دورها شكبّة
سيدي داود
حياتو شكبة
سليمان الابيض
نغّار ويلعبلك عالنفسية متاعك
الباجي ماتريكس
يبيراتي الكارطة قبل ما يلعب
السبوعي
زهر يكسر الحجر ودز تخطف
تنجم تحلّ أي شخصية قبل وقتها بمشاهدة إعلانات قصيرة.
شوف اللعبة
دقيقة وحدة تكفي باش تفهم علاش الناس تحبها.
صور من اللعبة
طاولة القهوة، الكارطة، والخصم قدّامك.
كيفاش تلعب في 3 خطوات
- 1
حمّل اللعبة
من Google Play ولا App Store، مجاناً.
- 2
اختار اسمك
بلا حساب ولا كلمة سر. إسم وتبدا.
- 3
العب
ضد الكمبيوتر، ولا أونلاين مع صحابك وناس جدد.
أبطال الشكبّة
الترتيب مباشرة من اللعبة، يتجدّد كل أسبوع.
ترتيب هذا الأسبوع
الترتيب يتحمّل…
أسئلة متكررة
لعبة شكبّة مجانية؟
إيه، مجانية بالكامل على أندرويد وآيفون. ما فماش شراء داخل اللعبة؛ الثيمات والريأكشن تشريهم بالكوان اللي تربحهم وقت اللعب.
نجم نلعب مع صحابي؟
إيه. اعمل غرفة من "إستدعي صحابك" وابعث الرمز لصاحبك، ولا شارك رابط الدعوة على واتساب. تنجمو تلعبو 1 ضد 1 ولا 2 ضد 2.
اللعبة موجودة على الآيفون؟
إيه، نسخة الآيفون في مراجعة Apple وتكون على App Store قريب. في الأثناء تنجم تجرّب النسخة التجريبية عن طريق TestFlight.
لازمني إنترنت؟
إيه، المباريات (حتى ضد الكمبيوتر) تتلعب عبر سيرفراتنا، يلزمك اتصال بالإنترنت ولو ضعيف.
شنية قواعد الشكبّة؟
تلعب ورقة كل دور وتاكل الورق اللي عندو نفس الرقم ولا مجموعهم يساوي ورقتك. اللي ينظّف الطاولة يعمل شكبّة. في آخر الجرية تتحسب الكارطة، الديناري، السبعة الحيّة، البرميلة والشكبّات. أول واحد يوصل 11 ولا 21 يربح.
