سياسة الخصوصية - كويز المسلسلات التونسية

شكون إحنا

كويز المسلسلات التونسية لعبة أسئلة على المسلسلات التونسية، تطوير علاء مقراني. هذي السياسة تشرح شنية المعلومات اللي نجمعوها وكيفاش نستعملوها.

المعلومات اللي نجمعوها

• الإسم والأفاتار اللي تختارهم في اللعبة. الإسم والنقاط متاعك يظهرو للكل في ترتيب اللاعبين.
• معرّف عشوائي للجهاز يتعمل داخل اللعبة باش نعرفو حسابك. ما نطلبوش مايل ولا كلمة سر ولا رقم هاتف.
• نقاطك، مستوياتك ونتائجك: تتبعث لسيرفراتنا باش نحسبو الترتيب والتحديات.
• كود الإسترجاع: يتخزن على جهازك باش ترجّع حسابك كان بدّلت التليفون.
• الأصحاب: كان زدت صاحب بالكود، نربطو بيناتكم في اللعبة.

الموافقة على الترتيب

وقت التسجيل نطلبو موافقتك باش إسمك ونقاطك يظهرو في ترتيب اللاعبين العمومي. كان ما وافقتش، ما تنجمش تسجّل.

الإعلانات

اللعبة مجانية وتعيش من الإعلانات عبر Google AdMob. تنجم تستعمل معرّف الإعلانات متاع جهازك وبيانات الاستعمال باش تعرض إعلانات مناسبة، حسب موافقتك. على الآيفون تظهرلك نافذة App Tracking Transparency في أول مرة، تنجم ترفض وتكمّل تلعب عادي.

شنية ما نعملوش

• ما نبيعوش معلوماتك.
• ما نجمعوش رقم هاتفك ولا جهات الاتصال ولا موقعك.
• ما نطلبوش كلمة سر ولا مايل باش تلعب.

حذف المعلومات

تنجم تحذف حسابك ومعلوماتك من داخل اللعبة من صفحة 'حسابي' ثمّ 'حذف الحساب'. الحذف نهائي ويمسح إسمك، نقاطك، مستوياتك وأصحابك، وكود الإسترجاع ما يبقاش يخدم. تنجم زادة تطلب الحذف بالمايل.

الأطفال

اللعبة موجّهة للجمهور العام وما هيش موجّهة خصيصاً للأطفال أقل من 13 سنة، وما نجمعوش عن قصد معلومات على الأطفال.

تواصل معانا

لأي سؤال على الخصوصية، تواصل معانا بالمايل ولا عبر صفحاتنا على فيسبوك وإنستغرام.